આવો તો રામદે આનંદ રેવે – રામાપીરનું ભજન
AVO TO RAMADE ANAND REVE – GUJARATI BHJAN SONG
રચનાઃ નવીન નાથજી
આવો તો રામદેવ આનંદ રેવે,
નહીં આવો તો પત જાય,
રણુજા માયલા નાથજી આ અવસરે આવજો… આવો તો રામદે
ઢોલ નગારા વાગ્યા ને ઝાલર નો ઝણકાર,
ધુપના ધુમાડે વેલા આવજો દ્વારિકા ના રાજિયા.. આવો તો રામદે
કળિયુગ આયો કારમો, ને તમારા વિના ન રહેવાય,
તરત ભાલો લિયો હાથમાં, વેલેરા ચડો ને વારજી… આવો તો રામદે
આલમ ઘોડે જેદી રામદેવ આવશે, લીલુડા હશે નિશાન,
કળિયુગ ઉથાપીને સતયુગ થાપશે, તે દી નકલંગ ધરશે અવતાર…. આવો તો રામદે
એકાંતે બેસીને અલખ આરાધો, પ્રભુજી પધારે એને દ્વાર,
ગુરુના ચરણે આ નાથ બોલ્યા, દેજો તમારા દીદાર…. આવો તો રામદેવ