આ જુગમાં છે દેહ અભિમાન ઘણું – ભજન
AA JUG MA CHHE DEH ABHIMAN GHANU – BHAJAN SONG
આ જુગમાં છે દેહ અભિમાન ઘણું,
તેણે કરીને ભોગવે આતમ જીવ તણું… આ જગમાં છે… ટેક.
સાચે મનથી સદગુરુ સાથે, હૈયે ન આણ્યું હેત,
સંતને ન નમ્યો હરિને ન ગમ્યો, અંતે થયો ફજેત,
એજી સુખ દુઃખમાં વ્યાપે રે, આનંદ નહીં આવે અણું રે… આ જુગમાં છે…
મારું મારું કરતો પ્રાણી, ઝાજું જતન કરે,
આ સંસાર સ્વપ્ન સરીખો, અર્થ ન એક સરે,
કાંઈ નથી લેતાં રે એ, કારણ કબુધ તણું રે… આ જુગમાં છે…
જય વિજય અહંકારે ચડિયા, એ તો પળિયા હરિને દ્વાર,
તું તો પરગટ પામર પ્રાણી, કોણ જ માત્ર વિચાર,
જશે એમ ઊડીને રે, તું તૂર જેમ આક તણું રે… આ જુગમાં છે…
તન અભિમાની મન અભિમાન વચન અભિમાન કહે,
જૂઠું બોલે જૂઠું રે ચાલે, લખ ચોરાસી જીવ વહે,
ભજન હરિનું બેસીને, નવ કીધું એક ક્ષણું રે… આ જુગમાં છે…
સત શાસ્ત્ર સદગુરુથી સમજે, ઉપજે શુદ્ધ વિચાર,
આપ ટળે અભિમાન ગળે, એમ કહે રવિ દાસ સુતાર,
થઈ સ્વરૂપે એ રતી, એક રહે ન અણું રે… આ જુગમાં છે…
કૈલાશ જાવું અમરનાથ જાવું-પ્રખ્યાત ભજનો