કંથળનાથની ગોદડી – ૬ – ગુજરાતી પ્રાચીન ભજન
KATHALNATH NI GODADI – 6 – SANTVANI BHAJAN LYRICS
રચનાઃ કવિ મુળરાજ
પાટણમાં તો નાથજી બિરાજે નામ નાથ કંથળજી,
ધોરમનાથે ખપ્પર ઉંધા વાળીયા
ને પાટણ સબ ડટણ રે…પાટણમાં તો…
નાથ કંથળજી તપસ્યા કરે ને ડોલે શહેર પાટણ રે,
સ્થિર થઈ જા હવે પાટણ
શહેર કહે નાથ કંથળજી …પાટણમાં તો…
ચોર્યાસી પાટણ ડટણ કરનાર,ઈ તો ધોરમનાથજી કહેવાય રે,
સિદ્ધ કંથળના નામ પર
પાટણ સિદ્ધપુર કહેવાય રે…પાટણમાં તો…
સરસ્વતી નદી ત્યાં વહે છે ઘણો તેનો મહિમાંય રે,
જપ ને તરપણ ત્યાં કરે તો
જીવની ગતીયું થાય રે…પાટણમાં તો…
સરસ્વતી કિનારે આસન વાળ્યા
મૂળરાજ આવે ત્યાંય રે,
આવી નાથના ચરણે પડે દાસ નાથ એમ ગાય રે…પાટણમાં તો…