કાન ચડા કદમને ડાળ – થાળ
KAN CHADA KADAM NE DAL – BEST SANTVANI THAL LYRICS
રચનાઃ નરસિંહ મહેતા
કાન ચડા કદમને ડાળ, હેઠા ઉતરોને,
માતા જશોદા જુએ છે વાટ…. હેઠા ઉતરોને…
દૂધને સાકરનો મેતો શીરો બનાવ્યો,
ભેળા મેલ્યા છે તુલસીના પાન….. હેઠા ઉતરોને….
ભાત રે ભાતના ભોજન બનાવ્યા,
વિધ વિધના પકવાન…. હેઠા ઉતરોને…..
ભીંડા લાવીને મેં તો કઢી વઘારી,
લવિંગે વઘાર્યા છે ભાત…. હેઠા ઉતરોને….
જળ રે જમનાની હું તો જારી ભરી લાવી,
પ્રેમે પીવો ને મારા પ્રાણ…. હેઠા ઉતરોને….
લવિંગ સોપારીને એલચી હું લાવી,
મુખવાસ કરોને મારા શ્યામ…. હેઠા ઉતરોને…
મારા અંતરનો મેં તો ઢોલિયો ઢળાવ્યો,
વિવેકનું પાથરણુંનું કર્યું આજ…. હેઠા ઉતરોને….
મહેતા નરસિંહના સ્વામી શામળા,
અમને તેડી રમાડ્યા રાસ…. હેઠા ઉતરોને…
કૃષ્ણ તેરે મંદિરો મેં દીપ જલે – કૃષ્ણ ભજન
ભજન સંતવાણી