કોનાથી બગાડું હું તો – સંતવાણી ભજન
KONA THI BAGADU HU TO – BEST GUJARATI BHAJAN
રચનાઃપુરૂષોત્તમ
કોનાથી બગાડું હું તો, કોનાથી બગાડું રે,
મારે જીવવું થોડું ને જગમાં કોનાથી બગાડું… ટેક.
એકલા આવ્યા, એકલા જાવું,
દુનિયા મુસાફરખાનુ,
સુખમાં સુતેલાને શીદને જગાડું રે…જીવવું થોડું ને…
પંખીડા આવીને રેજો,
વડલે વિસામો લેજો,
ડરશો મા વીરા તમને, નહીં રે ભગાડું રે…જીવવું થોડું ને…
કોણ છે વેરી, કોણ છે વહાલું,
ઠાલા આવ્યા ને જાવું ઠાલું,
સાર છે તો સંપમાં વીરા, શંખ શું વગાડું રે…જીવવું થોડું ને…
અંતરયામી એટલું માંગું,
પરદુ:ખે એટલું જાણું,
આંખના આંસુડે એનો, અગ્નિ બુઝાવું રે…જીવવું થોડું ને…
‘ પુરુષોત્તમ’ કહે પ્રાણ પ્યારા,
સદગુરુ તારણહારા,
સમરણ સવાયા દેજો, લગની લગાડું રે…જીવવું થોડું ને…
કૃષ્ણ તેરે મંદિરો મેં દીપ જલે – કૃષ્ણ ભજન
સંતવાણી ધામ ભજન વેબસાઇટ