પાંચાળનું પરગટ છે પીરાણું – ગુજરાતી સંતવાણી
PANCHAL NU PARGAT CHHE PIRANU – SANTVANI BHAJAN LYRICS
રચનાઃદાસ વિઠ્ઠલ
પાંચાળનું પ્રગટ છે આ પીરાણું, ગેબીનાથને ગરણે ગળાણુ,
પંચાળનું પ્રગટ છે પીરાણું………
મેપા ભગતે નિભાડો માંડ્યો, મેઘથી વાદળ ઘેરાણું,
કેડિયું ઢાંકીને કોરો રાખ્યો, કોઈને ના એ કળાણું… પંચાલનું પરગટ….
રતા મેપાએ જાદરો થાપ્યો,દીકરા દીધેથી દેખાણું,
પોતાના મારી પારકા જીવાડિયા, થાનમાં થયું ઠેકાણું….. પાંચાળનું પરગટ
જાદરા ભગતે આપેલ આંખે, અંધ દાનાને દેખાડો,
જીભ સાંધીને ઘોડો જીવાડીયો, કંઈ ફુકણીએ ફુકાણું…. પાંચાળનું પરગટ…….
જગ્યા ઉપર જુલમ આદર્યો, દિલ ગોરખનું દુભાણુ,
મોલડીની મોલાત ઉડાડી જગમાં ત્યારે જણાણું….. પાંચાળનું પ્રગટ…..
વિહળાનાથની ડેલીએ દેખો દીકરાનું છે દુંજાણું,
વાંજીયા મેણા ભાંગીયા મલકના, ગાય પારણીયે ગાણું…. પંચાળનું પરગટ…….
દાન વિહળે દીપ જ જલાવ્યો, સતાધાર સરજાણું,
જંગલમાંથી મંગલ કરાયું,ગીગેવ નામ ગવાણું…… પંચાળનું પરગટ….
હરીહરના જ્યાં સાદ હંમેશા થાતા, ભાવથી પીરસાઈ ભાણું,
દાસ વિઠ્ઠલ કહે તારે દેવળે, ખૂટ્યું નહીં ક્યાંય ખાણું…… પાંચાળનું પ્રગટ…..