માંડલીકના દોહા – કાઠીયાવાડી દુહાઓ
MANDALIK NA DUHA – KATHIYAVADI LOK SAHITYA
રચનાઃ કવિ માંડલિક
CLICK TO DOWNLOAD MP3
પંખી પ્રેમતાણા, સુનેવળ સોહે નહીં,
આવે ઉલટભર્યા, મારા ઉપર માંડલીક…
ભક્ત વાયા જુકે ભર ભર વેદુ ઠામ,
ક્યું ન ધરે કાન, મણીઘર નહતું માંડલીક…
ગઢજુનાની પોળ દામો કુંડ દેખીશ નહીં,
રતન જાશે રોડ, તે દી મુને સંભારી માંડલીક…
નહીં વાગે નીશાદ નકાબ હટશે નહીં,
ઉલટશે અસરાણ, તે દી મુંને સંભારીશ માંડલીક…
જાશે શની રીત રાપણું રેશે નહીં,
મેડીયું થાશે મસીત, તે દી મુંને સંભારીશ માંડલીક…
ગઢ ગરવાનું રાજ સંતાપે પામીશ નહીં,
કાયા થશે અકાજ, તે દી મુંને સંભારીશ માંડલીક…
અતલના ઉતારી, પેરીશ ગડીયલ વાઘ,
તારો કરમે કાળો દાગ, તે દી મુંને સંભારીશ માંડલીક…
સેખો માયલો શેખ માથું મુંડાવી કરી,
ભમતો માંગીશ ભીખ, તે દી મુંને સંભારીશ માંડલીક…
તપસ્યામાં ખામી પડી ક્રીયા પડી કોઠ,
ખોટામણની ખોટ, તે દી મુને સંભારીશ માંડલીક…
ઝાલરના ઝણકાર કાને સંભળાશે નહીં,
પડશે બાગ પુકાર, તે દી મુંને સંભારીશ માંડલીક…
તારા ઘોડા લઈ પાછો જુનાણે જા,
માની જા મદ મોહકરા મારા વચન માંડલીક…
તારી રાણીયું બજારમાં હાલશે, દેહતિયું દેશે,
એ ઓજલ આરહતિયું, તે દી મુંને સંભારીશ માંડલીક…
જુનાણે પાછો જા છાનો માનો ચૂપ,
ભળ્યા નથી ભૂપ, હજુ મગ ને ચોખા માંડલીક…
નાગબાઈને નમ્યો નહીં, તું ભૂલી ગયો મોટી ભીંત,
તારી મેડીને કરી દઉં મસીત, તે દી મુને સંભારીશ માંડલીક…
કરકરીયો રોટલો ખાય તો ખવાય,
ચણા ન ચવાય લોઢાના માંડલીક…