શરણાગતને દ્વાર – ગુજરાતી ભજન સંતવાણી
SHARANAGAT NE DWAR – GUJRATAI BHAJAN LYRICS
રચનાઃ મહેશ સોલંકી
શરણાગતને દ્વાર,પ્રભુ થયા પોલિસ પહેરેદાર…ટેક
જોઇ લ્યો દાસનો દાસ કિરતાર,
કચ્છ વાગડના સણવા ગામે ક્ષત્રિય કુળ શણગાર,
દેવાજીને ઘેર દેશળજી જનમ્યા લઇ માતૃ સંસ્કાર,
પ્રભુથી પ્રીત જ્યાં અપરંપાર…..
વિકટ સમયમાં વાગડ છોડી,ગયા ધાંગધ્રા દરબાર,
પોલીસ પહેરેદાર ચાકરીમાં તો ચિત્ત ન ચોટેં,
થવું ક્યારે ભવપાર……
ભક્તિ ભાવમાં ભટકે મનડું વાયક મળતાં તૈયાર,
દેશળજી ભુલ્યા જગ વહેવાર,
પહેરો છોડી ભજન ભાવમાં ,થઇ ગયા એકાકાર…..
ભીડ પડી ત્યાં પહેરો ભરવાં,
પહોચ્યાં ખુદ કિરતાર,
સાચા ભક્તોની લેવા સંભાળ ,
મહેશ સોલંકી બેનામ……
દેશળ ભગતનો મહિમા મોટો,
જુઓ કાપેલી ધાર,
સાચા શરણાગતની સમાધિ છે ધાંગધ્રાને દ્વાર,
વંદન બેનામના વારંવાર…..