સતીને વાયક આવ્યા – સંતવાણીની સંગે
રાત અંધારી સતીને વાયક આવ્યા હો જી,
એ જી મારે જાવું ગુરુના દરબાર હા હા જી ….. (1)
રાત અંધારી ઝરમર મેહુલા વરસે હો જી,
એ જી મારે જાવું ગુરુનાં દરબાર હા હા જી …. (2)
રાત અંધારી ઝરમર મેહુલા વરસે હો જી,
એ જી મારે પારણિયામાં રોવે નાના બાળ હા હા જી …. (3)
ડાબું જોંઉ તો વાલા ડુંગરા ડોલે હો જી,
એ જી મું તો જમણું જોઉ તો નદીઓ પાર હો હો જી …. (4)
હેઠી બેહુ તો મારા ગુરૂજી લાજે હો જી,
એ જી મું તો પાસી વળું તો વાયક જોય હો હો જી …. (5)
ભાઇ રે તારુડા વીરા તુજને વિનવું હો જી,
એ જી તમે અમને ઉતારો પેલા પાર હો હો જી …. (6)
આજની રે રાત સતી અહીં જ રો ને જી,
એ જી તમને સવારે ઉતારું પેલા પાર હો હો જી …. (7)
ભાઇ રે તારુડા વીરા વાંઝિયો જ રેવે જી,
એ જી તારી જીભલડીમાં કરડે કાળો નાગ હો હો જી ….. (8)
પેલું તે પગલું સતીએ જમનામાં મેલ્યું જી,
એ જી અમને જમનાએ દિધા માન હા હા જી …. (9)
પાસું વળીને સતી રુપાબા એ જોયું જી,
એ જી પેલા તારું તરતો જાય હા હા જી ….. (10)
સોનાનો ટાંકો સતીએ પાટ પર મેલ્યો જી,
એ જી અમને જ્યોતું વધાવી સાચા મોતીડે હા હા જી …. (11)
ઉગમશીની ચેલી સતી રુપાબા બોલ્યા જી,
એ જી અમને સંત ચરણમાં વાસ હો હો જી …. (12)