સમજણ જીવન માંથી જાય-દેશી સંતવાણી ભજન
SAMAJAN JIVAN MATHI JAY – SANTVANI IN GUJARATI
રચનાઃ અનામી
સમજણ જીવનમાંથી જાય, તો તો જોયા જેવી થાય,
સમજણ જીવનમાંથી જાય જી….. ટેક
પિતાજીના વચન ખાતર રામજી વનમાં જાય જી,
આજનો રામલો વૃદ્ધાશ્રમમાં બાપને મેલવા જાય…. સમજણ જીવનમાંથી
ચેલો હતો ઓલો આરુણી એની યાદે ઉર ઉભરાય જી,
આજનો ચેલકો માસ્તર સાહેબને શિવાજી બીડીયું પાય…… સમજણ જીવનમાંથી
ચૌદ વરસનું રાજ મળ્યું, છતાં ભરત ના ફુલાય જી,
પાંચ વરસનો પ્રધાન આજે, જાલ્યો ના કોઈ થી જલાય….. સમજણ જીવનમાંથી
મંદિરીયામાં બેઠા પ્રભુજી, મનમાં બહુ મુંઝાય જી,
ભાવ વિનાના ભક્તો આવી દસિયુ ફેંકતા જાય….. સમજણ જીવનમાંથી
ધર્મ તેરી કિંમત જુઓ આજે, નાણાં થી અંકાય જી,
મોટી મોટી કરે કથાયુ એમાં ફાળો ફરતો થાય….. સમજણ જીવનમાંથી
સંતવાણી ની કિંમત જુઓ આજે નાણાં થી અંકાય જી,
ભજનમાંથી ભાવ વ્યો ગ્યો, એ પૈસા માટે ગવાય…. સમજણ જીવનમાંથી