અનમોલ હા હા અમ તણા,
દિવસ ક્યાં જતા રહ્યા?
જી, દિવસ ક્યાં જતા રહ્યા? ટેક
જીણ પેટ ધારી દિવ્ય કાયા,
જોગમાયા જનમતી,
દમતી સકળ પરીતાપ તે,
પગ જગત સૌ નમતી હતી,
ખમકાર કરતી ખોડલીના,
પથ્થર ગુણ ગાતા રહ્યા…. અણમોલ હા હા…
ઉજળા વાણી સાધુ બાપલ,
બુટ ભલાલ બેચરા,
ચોરાડ કુળમાં દેવ ચાંપલ,
કાન સાવજ કરધરા,
સુની સાદ આવડ માતા ના,
રવિરાજ પણ થંભી ગયા… અણમોલ હા હા
નવલાખ દળ લઈ ચડ્યો નવઘણ,
પ્રબળ ચારણ પોષિયા,
વરમંડ ઓદર ધાર વરડી,
સાત શાયર શોષિયા,
કળમા જ જળમાં પાડ કેરા,
લોઢ દળ સમજી ગયા…. અનમોલ હા હા
મોણીયા વાળી માતા નાગલ,
રાહને સમજાવીયો,
નહીં માનતા જુના તણો,
જટપાટ લઈ પલટાવ્યો,
કળમાં જ કાંગલ જો તળાજે,
રાજ વાજા રોળીયા…. અનમોલ હા હા
જગદંબા ચારણ જીવણી,
પર જાર મનસુબો હતો,
થઈ સિંહણ બાકર શેખને,
સરધારમાં ચીર્યો હતો,
ઊંધો પછાડી પીર થાપ્યો,
અકળ પરચા આપીયા…. અણમોલ હા હા
ચોરીએ ચડિયેલ માત સોનલ,
કોડીએ રમતી હતી,
વરમાળ ફેંકી વેગળી,
ગોપાલને ભજતી હતી,
જગજાળ ત્રોડી જોગણી,
બ્રહ્મચારી વ્રત પાળિયા… અનમોલ હા હા
આ સમયે વસમો અમ ઘરે,
સૌ આધ ચંડી આવજો,
જીણ પેટ જન્મે શુદ્ધ ચારણ,
વખત એ વરતાવજો,
સત કાગ આદિ ચારણુ,
કળિયુગમાં વસિયુકિતા….અણમોલ હા હા
કાનુડો શું જાણે મારી પ્રીત - મીરાબાઇનું ભજન કાનુડો શું જાણે મારી પ્રીત, બાયું અમે…
આપણાં પિયુજી કેરો દેશ - AAPANA PIYUJI KERO DESH આપણાં પિયુજી કેરો દેશ હેલી રે…
શ્રી રામચંદ્ર કૃપાલુ ભજમન - SHREE RAMCHANDRA KRUPALU BHAJA શ્રી રામચંદ્ર કૃપાલુ ભજમન, હરણ ભવભય…
કાયા તો ધૂતારાનાં શહેર છે - KAYA TO DHUTARO NA કાયા તો ધૂતારાનાં શહેર છે…
આશિક જો મસ્ત ફકીરી કે - ગુજરાતી ભજન આશિક જો મસ્ત ફકીરી કે દુનિયા સે…
અલખ મીલન કે કાજ - ભજન અલખ મીલન કે કાજ ફકીરી, લેકે ફિરું મૈં જંગલ…