અમ દેશની આર્ય રમણી, અમર છે ઇતિહાસમાં – શૌર્ય ગીત ભજન

---

AMA DESH NI AARYA RAMANI , AMAR CHHE – GUJARATI BHAJAN LYRICS

રચનાઃ કવિ કાન

---

CLICK TO DOWNLOAD MP3

---

હરિશ્ચંદ્ર રાજાએ જુઓ સત કારણે સંકટ સહ્યાં છે,

રાણી અને પુત્ર વેચાયા, આંખેથી આંસુના વહ્યાં,

પતિ કારણે પરીતાપ સહેતી, હરખીને હુલાસમાં….

અમ દેશની આર્ય રમણી, અમર છે ઇતિહાસમાં….

---

રઘુકુલ ભૂષણ રામનું ગાદી તણું મુરત હશે,

આજ્ઞા પિતાની પાળવા, એ વિકટ વનમાં જય વસે,

ત્યાગી સુખો વૈભવ તણાં, સીતા હતા સહવાસમાં….. અમ દેશની આર્ય

---

સુરભી તણી સેવા કરી, જેણે યોગનું સાધન કર્યું,

વેદાંત અને ઉપનિષદમાંથી, ગીતા નું સર્જન કર્યું,

તે દેવકીજી શ્રીકૃષ્ણને, ભલે જન્મ દે કારાવાસમાં….. અમ દેશની આર્ય

---

એભલ ગયો નિજ ઓરડે, ત્રીયા અલ્પ ઉપહાસ્ય કર્યું,

તેદી પોઢેલ ચાપો પારણે, એણે વસ્ત્ર મુખ ઉપર ધાર્યું,

તે દી જોગમાયા જીભ કરડી, સીધાવી સ્વર્ગવાસમાં….. અમ દેશની આર્ય….

---

એ જનેતાને ઉદર નભ થંભ,જશો ચાપો થયો,

મસ્તક ધર્યું મહાદેવને, ઢુંઢ લઈ દળમાં ધસ્યો,

લડતું પડતું ધડ લાઠીએ, અને કાઠી ગયો કૈલાશમાં.. અમ દેશની આર્ય

---

ધન કુખ જીજાબાઈની જેથી શિવાજી પાક્યો હતો,

તલવાર કેરી ધાર પર, હિન્દુ ધર્મ રાખ્યો હતો,

પડકાર કરતી પુત્રને શિવા મરજે સમર મેદાનમાં….. અમ દેશની આર્ય

---

અરવલ્લી એ આટકી, એ શાહની સામે થીયો,

ચિત્તોડગઢથી છુટતો, રાણો રજળતો થઈ ગયો,

રાણી અને વળી રાજકુંવરો, વસ્યા જઈ વનવાસમાં….. અમ દેશની આર્ય

---

વેધ્યો કુંવર નીજ વાણીયે, હાથે છતાં મુખડું હસે,

એવું શગાળશા નું નામ સુણતાં, રુવાડા બેઠા થશે,

ચંગાવતીએ શિર ખાડીયુ, હરખીને હુલ્લાસમાં….. અમર દેશની આર્ય

---

બુદ્ધિ ભ્રષ્ટ થઈને માંડલીક, એક દી મોણિયે આવ્યો હતો,

તે દી નેણ હસતે નાગબાઈએ, એને ખૂબ સમજાવ્યો હતો,

પછી સિંહણ થઈને શિયળ ભક્ષ્યુ, એને પાડ્યો એક જ ત્રાડમાં…… અમ દેશની આર્ય

---

અરજી અમારી સાંભળી, ભગવાન ભેરે આવજો,

આઝાદ બનાવે પુત્રને, એવી નારીયુ નીપજાવજો,

કવિ “કાન” કે સુપુત્ર જન્મે, એમ ચાહું શ્વાસોશ્વાસમાં….. દેશની આર્ય રમણી

---

કાયા નગર કી કુંજ મેં – ભજન સંતવાણી

---

SANTVANI DHAM ,BHAJAN LYRICS IN GUJARATI

---