અમૃત ભરેલું અંતર જેનું સાગર જેવડું સત,
પુનમચંદના પાનિયા આગળ ડોશી લખાવે ખત…
ગગો એનો મુંબઈ ગામે, ગીગુભાઈ નાગજી નામે,
લખ કે માંડી! પાંચ વર્ષમાં પહોંચી નથી એક પાઈ,
કાગળની એક ચબરખી પણ તેને મળી નથી ભાઈ,
સમાચાર સાંભળી તારા, રોવું મારે કેટલા દા’ડા?…
ભાણા નો ભાણિયો લખે છે કે ગગુ રોજ મને ભેળો થાય,
દન આખો જાય દાડીયુ ખેંચવા રાતે હોટલમાં ખાય,
નીત નવા લુગડા પહેરે પાણી જેમ પૈસા વેરે….
હોટલનું જાજુ ખાઈશ માં રાખજે ખર્ચી ખુટનું માપ,
દવા દારૂના દોકડા આપણે કાઢીશું ક્યાંથી, બાપ!
કાયા તારી રાખ જે રૂડી, ગરીબની ઈ જ છે મૂડી….
ખોરડું વેચ્યું ને ખેતર વેચ્યું કુબામાં કર્યો છે વાસ,
ઝારનો રોટલો જડે નહીં તે દી પીવું છું એકલી છાશ,
તારે પકવાનનું ભાણું મારે નિત જારનું ખાણું….
દેખતી તે દી દળતા, પાણી કરતી ઠામો ઠામ,
આંખ વિનાના આંધળાને હવે કોઈ ન આપે કામ,
તારે ગામ વીજળી દીવા મારે અહીં અંધારા પીવા….
લીખીતન તારી આંધળી મા ના વાંચજે ઝાઝા જુહાર,
એકે રહ્યું નથી અંગનું ઢાંકણ, ખૂટી છે કોઠીએ જાર,
હવે નથી જીવવા આરો, આવ્યો ભીખ માગવા વારો….
કાનુડો શું જાણે મારી પ્રીત - મીરાબાઇનું ભજન કાનુડો શું જાણે મારી પ્રીત, બાયું અમે…
આપણાં પિયુજી કેરો દેશ - AAPANA PIYUJI KERO DESH આપણાં પિયુજી કેરો દેશ હેલી રે…
શ્રી રામચંદ્ર કૃપાલુ ભજમન - SHREE RAMCHANDRA KRUPALU BHAJA શ્રી રામચંદ્ર કૃપાલુ ભજમન, હરણ ભવભય…
કાયા તો ધૂતારાનાં શહેર છે - KAYA TO DHUTARO NA કાયા તો ધૂતારાનાં શહેર છે…
આશિક જો મસ્ત ફકીરી કે - ગુજરાતી ભજન આશિક જો મસ્ત ફકીરી કે દુનિયા સે…
અલખ મીલન કે કાજ - ભજન અલખ મીલન કે કાજ ફકીરી, લેકે ફિરું મૈં જંગલ…