આયો શરણ હું આપને,અપનાવો મદન અરી – ગુજરાતી ભજન સંતવાણી

---

AAYO SHARAN HU AAPANE APANAVO MADAN ARI – BEST BHAJAN SANTVANI

રચનાઃ  કવિ આલ

---

CLICK TO DOWNLOAD MP3

---

આયો શરણ હું આપને,અપનાવો મદન અરી,

મુકી તુને મહાદેવજી,જાવુ ના બીજે જરી….. ટેક

---

ભોળા શંકર ભાવથી ત્ર્યંબક ચાહું તમને,

વહાલું નહીં વિષધર સમું મનડામાં બીજું મને,

દિન બંધુ દયા દાખવો કૃપાળુ કૃપા કરી…. અપનાવો મદન અરી….

---

દેવાધિ મોટા દેવ છો શક્ર જેવા સેવતા,

શારદ નારદ સર્વ આવે દ્વાર તારે દેવતા,

ગુણ ગાન તારા ગાય છે હાથ જોડી બ્રહ્મા હરી…. અપનાવો મદન અરી…

---

કંઠ ભુજંગ નીલકંઠ ને શોભતા શણગાર છે,

માથા ઘણા મરદો તણા હૈયા ઉપર હાર છે,

ગંગા અહોર્નિશ ગાજતી,શીશ માથે સુરસરી…. અપનાવો મદન અરી

---

ઉમિયાજી સંગ ઓપતા, ભાલચંદ્ર ભાલમાં,

ભૂતો ભયંકર નાચતા તા તા થૈ થૈ તાલમાં,

બમ બમ ભોલે સર્વ બોલે ફૂદરડીઓ ફરી ફરી…. અપનાવો મદન અરી

---

મહાદેવ તારે મંદિરીયે, આવ્યા છીએ અમે,

બેઠા ઝાલીને બારણું, તરછોડશો માં તમે,

મહેર તમારી માંગું છું પ્રભુજી પગે પરી….. અપનાવો મદન અરી

---

દાની ઘણેરા છો દયાળુ, ઈશ આશુતોષ છો,

તું પ્રેમ સાગર પ્રભુજી કરુણાના કોશ છો,

અરજી સુણી કવિ આલની, ભેટજો ભક્તિ ભરી…. અપનાવો મદદ અરી

---

આ ચોઘડીએ મારા નોંધારાના નાથ – ભજન સંતવાણી

---

BHAJAN LYRICS IN GUJARATI

---