આ કલીયુગના બાવા,
ઘરે ભેખ ધુતીને ખાવા…. ટેક
તિલક છાપ કરી માળા પહેરે,
લોકોને ભરમાવા,
ફરી ફરીને જોયું જગતમાં,
જ્યાં ત્યાં આવાને આવા…. આ કળિયુગના બાવા
દેશ છોડી પરદેશ ફરે,
ધન ધાનને ખૂબ કમાવા,
મંદિર મળે આવકવાળું,
ત્યાં બેસે બાવો ધૂણી ધખાવા…. આ કળિયુગના બાવા
ખાઈ ચકાચક માલ મલિન્દા,
પછી બેસે એ ગાવા,
લાંબા ટૂંકા હાથ કરે,
પરનારી ને લલચાવા…. આ કળિયુગના બાવા
ગાંજો ભાંગ તમાકુ પીને,
કરતા કાવા દાવા,
મતલબીયા થઈને મસ્ત બને,
પછી બેસે તાન લગાવવા…. આ કળિયુગના બાવા
ઢોંગી થઈને ધૂતે જગતને,
લાગ્યા માલ પચાવા,
ગુરુ કર્યા પણ જ્ઞાન વિના એ તો,
બેઠા ભેખ લજવવા…. આ કળિયુગના બાવા
લાખોમાંથી નીકળે થોડા,
ભેખની ટેક નિભાવા,
દાસ ‘સતાર’ સાચા ની સંગે,
લઈએ પ્રેમે લાવા…. આ કળિયુગના બાવા
Old Bhajan Song,All Gujarati Songs Lyrics
કાનુડો શું જાણે મારી પ્રીત - મીરાબાઇનું ભજન કાનુડો શું જાણે મારી પ્રીત, બાયું અમે…
આપણાં પિયુજી કેરો દેશ - AAPANA PIYUJI KERO DESH આપણાં પિયુજી કેરો દેશ હેલી રે…
શ્રી રામચંદ્ર કૃપાલુ ભજમન - SHREE RAMCHANDRA KRUPALU BHAJA શ્રી રામચંદ્ર કૃપાલુ ભજમન, હરણ ભવભય…
કાયા તો ધૂતારાનાં શહેર છે - KAYA TO DHUTARO NA કાયા તો ધૂતારાનાં શહેર છે…
આશિક જો મસ્ત ફકીરી કે - ગુજરાતી ભજન આશિક જો મસ્ત ફકીરી કે દુનિયા સે…
અલખ મીલન કે કાજ - ભજન અલખ મીલન કે કાજ ફકીરી, લેકે ફિરું મૈં જંગલ…