ઉંચે રે ડુંગર આઈ તારા ઓરડા,
નેજાળી નીચે રે નદીયુ રે કેરાને નીર,
વરદાયિની હો માં છો દયાળી રે હો ,
ખોડલ માડી વેલેરી કરજો અમારી વાર….
નવઘણ દળ લઈને એ મારી હાલ્યો,
માડી એને દરિયો રે આડો અપરંપાર,
મોજા ઉછળે રે હો માર્ગ એમાં મળે નહીં અરે હો,
માડી તું તો સંકટમાં કરજો ને અમારી સહાય….
નવઘણ આયો વરૂડી ના એ જોને દેશમાં,
માતાજીને કર જોડીને લાગ્યો પાય….
વારણા લીધા રે હો આશિષ મા એ દીધા રહે હો,
ભગવતી પુરણ રે કરજો અમારા કામ…..
પાછા વાળો રે નવઘણ એ વીરા ઘોડલા,
શૂરવીર પછી રે જાજો સિંધની મોજાર,
આંગણે આવો અરે હો જમવા ને પધારો રે હો,
વીર તમને વીનવે છે વરૂડી ચારણ બાળ…..
નવઘણ આયો આઈને જોને નેશ રે,
ભગવતીએ કટક તો જમાડ્યું કુલડીમાં,
ચકલી બની હો ભાલે થઈ માડી સવારી હો,
માડી મને મારગ બતાવોને સમંદરની માંય…..
સુમરાની માર્યો મા એ જોને સિંધમાં,
મારી તે તો ઉતાર્યા ભૂમિ રે કેરો ભાર,
માટેલ વાળી હો દેવ છો તું તો દયાળી,
માડી તમે રાખી છે જુનાણા કેરી લાજ…..
નંગા ચારણે ગાયો માડી ભેળીયો,
આઈ તમે રાખો ચારણ કુળની લાજ,
ગુણલા ગાવું રે હો શિષ ઝુકાવુ રે હો,
માડી તમે વંદન છે વારંવાર….
કાનુડો શું જાણે મારી પ્રીત - મીરાબાઇનું ભજન કાનુડો શું જાણે મારી પ્રીત, બાયું અમે…
આપણાં પિયુજી કેરો દેશ - AAPANA PIYUJI KERO DESH આપણાં પિયુજી કેરો દેશ હેલી રે…
શ્રી રામચંદ્ર કૃપાલુ ભજમન - SHREE RAMCHANDRA KRUPALU BHAJA શ્રી રામચંદ્ર કૃપાલુ ભજમન, હરણ ભવભય…
કાયા તો ધૂતારાનાં શહેર છે - KAYA TO DHUTARO NA કાયા તો ધૂતારાનાં શહેર છે…
આશિક જો મસ્ત ફકીરી કે - ગુજરાતી ભજન આશિક જો મસ્ત ફકીરી કે દુનિયા સે…
અલખ મીલન કે કાજ - ભજન અલખ મીલન કે કાજ ફકીરી, લેકે ફિરું મૈં જંગલ…