બાપ બેટા ના દાણ માગે છે,
મસાણ ભૂમિ મોજાર,
એકલી ઊભી કોઈ અટુલી, અયોધ્યાની નાર…
એકલી ઉભી કોઈ અટૂલી…. ટેક
રાણી હતી તે દાસી બનીને,
દાસ બન્યા છે કુમાર,
વચન માટે હરિશ્ચંદ્ર વેચાણા,
બાળવા ને દ્વાર…. એકલી ઉભી
ભૂત હુકારે ને પ્રેત પુકારે,
ઓલી ડાકણ ના પડકાર,
તોય તારાદે નું દિલ ડગ્યું નહીં,
કંપી ઉઠ્યા કિરતાર….. એકલી ઉભી
બળતી ચિતામાંથી ઈઘણું લાવી,
પુત્રની પાલનહાર,
ફૂક મારીને આગ ચેતવે,
સળગે નહીં અંગાર… એકલી ઉભી
ઓઢણી ફાડીને લાશ ઓઢાડી,
ચૂમી લીધી બે ચાર,
જાયાની માથે ઉભી જનેતા,
આભ ડોલાવણ હાર… એકલી ઉભી
દાણ દીધા વિના દાહ ના દેજે,
હાંક ઉઠી તેવાર,
સામે જુએ ત્યાં તો સ્વામી પોતાનો,
તાણી ઉભો તલવાર… એકલી ઉભી
હાલ્યો હેમાળોને ધરણી ધ્રુજી,
દેવોના કંમ્પાદ્વાર,
શિવ બ્રહ્મા હરી દોડી આવ્યા,
તાપ લાગ્યો તે વાર…. એકલી ઉભી
ધન્ય રાજા-રાણી ટેક તમારી,
ધન્ય છે રાજકુમાર,
‘ કાગ’ કહે તારા કુળમાં લઈશ,
હું અયોધ્યામાં અવતાર…. એકલી ઉભી
કાનુડો શું જાણે મારી પ્રીત - મીરાબાઇનું ભજન કાનુડો શું જાણે મારી પ્રીત, બાયું અમે…
આપણાં પિયુજી કેરો દેશ - AAPANA PIYUJI KERO DESH આપણાં પિયુજી કેરો દેશ હેલી રે…
શ્રી રામચંદ્ર કૃપાલુ ભજમન - SHREE RAMCHANDRA KRUPALU BHAJA શ્રી રામચંદ્ર કૃપાલુ ભજમન, હરણ ભવભય…
કાયા તો ધૂતારાનાં શહેર છે - KAYA TO DHUTARO NA કાયા તો ધૂતારાનાં શહેર છે…
આશિક જો મસ્ત ફકીરી કે - ગુજરાતી ભજન આશિક જો મસ્ત ફકીરી કે દુનિયા સે…
અલખ મીલન કે કાજ - ભજન અલખ મીલન કે કાજ ફકીરી, લેકે ફિરું મૈં જંગલ…