એવી બંડી રે બાપા બજરંગદાસજીની – બજરંગદાસ બાપાનું ભજન

---

EVI BANDI RE BAPA BAJARANG DASH NI – DESHI BHAJAN SANTVANI

રચનાઃ જીવણ રાવળ

---

CLICK TO DOWNLOAD MP3

---

એવી બંડી રે બાપા બજરંગદાસજીની,

બહુગુણી આ છે બંડી અને કરવા સારા કામ રે…. ટેક

---

એજી માન રે મોટપ અને માયા મેલી,

અને સમર્થ ધણીને સાધ્યા રે…. એવી બંડી રે

---

એજી દાન રે ધ્યાનના બે મોટા ખીચા બનાયા,

એવી નામની ખીચી એક નાની રે…. એવી બંડી રે

---

એવા કામને ક્રોધ મદ ને કબજે કર્યા,

એવી ત્રિગુણી માયા કેરી બંડી રે…. એવી બંડી રે

---

આ મહિમા બંડીનો અગમ અપાર છે,

એને કોઈ સંતને વિરલા જાણે રે…. એવી બંડી રે

---

બહુગુડી છે આ બંડી રે આ બંડીમાં ગુણો તો અપાર છે,

દિન દુખિયા ને કાજે પેરી બંડી રે…. એવી બંડી રે

---

એવી આશાએ કરીને કોઈ આવે આંગણે,

એને દિયે બાપા અભયદાન રે… એવી બંડી રે

---

એજી ત્રણ રે ગુણના તાણા વાણા વણ્યા,

એમાં ભર્યું છે અખૂટ ભંડાર રે….. એવી બંડી રે

---

એમાં સરવાણી સંતની ચાલુ રહી,

એવા કંઈકના થયા છે બેડા પાર રે…. એવી બંડી રે

---

સેવકને માટે સદગુરુનો સાથ છે,

મન વચને કરમે જો શરણે જાય રે…. એવી બંડી રે

---

આધી વ્યાધિ ઉપાધિ એની ટળે,

એમ રાવળ જીવણ ગાય રે….. એવી બંડી રે..

---

સાખીઓ – ગુજરાતી ભજન સંતવાણી

---

દેશી સંતવાણી ભજન,સંતવાણી ધામ

---