એવી શંકા રે પડીને અવળું સૂઝ્યું,
ક્યાં ગયા સતિ દેવલદે નાર…. ટેક
એજી પથ્થર દેવાયત પ્રભુજીને માનતો,
અને દેવાયત ભૂલ્યો ભાન,
એ ચલો રે કર્યા રે સાડા સાતસો,
અને રથડો કર્યો તૈયાર…. એવી શંકા રે
પણ જ્યાં ધાર રે આવીને એજી ધરો ભાંગિયો,
અને પૂછ્યા એણે લુહારીના ઘર,
ભાઈ રે લુહારી વીરા તને વિનવું,
રથડો મારો કરો ને તૈયાર…. એવી શંકા રે
એજી અંજળો હતો અગિયારસનો,
બંધ હતા લુહારીના કામ,
છતાં ધરો ધગાવા એને મૂક્યું,
હવે દેવાયત દયોને ઘણના ઘાવ…. એવી શંકા રે
એ ક્રોધ રે કરીને ઘણ એને માર્યો,
ત્યાં તો એરણ ગઈ છે પાતાળ,
ઘુટી રે ઉપર ધરો એણે સાંધીયો,
અને દેવાયતના ઉતર્યા અભિમાન…. એવી શંકા રે
સેલણસીની ચેલી લોયણ બોલ્યા,
ગુરુજીની મુલનું નહીં પાર….. એવી શંકા રે
કાનુડો શું જાણે મારી પ્રીત - મીરાબાઇનું ભજન કાનુડો શું જાણે મારી પ્રીત, બાયું અમે…
આપણાં પિયુજી કેરો દેશ - AAPANA PIYUJI KERO DESH આપણાં પિયુજી કેરો દેશ હેલી રે…
શ્રી રામચંદ્ર કૃપાલુ ભજમન - SHREE RAMCHANDRA KRUPALU BHAJA શ્રી રામચંદ્ર કૃપાલુ ભજમન, હરણ ભવભય…
કાયા તો ધૂતારાનાં શહેર છે - KAYA TO DHUTARO NA કાયા તો ધૂતારાનાં શહેર છે…
આશિક જો મસ્ત ફકીરી કે - ગુજરાતી ભજન આશિક જો મસ્ત ફકીરી કે દુનિયા સે…
અલખ મીલન કે કાજ - ભજન અલખ મીલન કે કાજ ફકીરી, લેકે ફિરું મૈં જંગલ…