એવી સાચી રે અમર માની ચુંદડી – પરબ ધામનું ભજન

---

EVI SACHI RE AMAR MA NI CHUNDADI RE – PARAB NA PIR NU BHAJAN

રચનાઃ સાદલ પીર

---

CLICK TO DOWNLOAD MP3

---

એવા પશ્ચિમ ધરાના ખેતર ખેડીયા,

એના વાવનારા જશો ને વોળદાન,

એવી દેજો રે દેવાંગી માની ચુંદડી….

એવી સાચી રે અમર માની ચુંદડી

---

એવો સુધ રે બુદ્ધનો ચરખો માંડ્યો,

તારા કુલનો રે કાઢ રે કપાસ…

એવી સાચી રે અમર માની ચુંદડી

---

એવી તેની રે બાંધો રે દો દો ગાંસડી,

હું તો પ્રેમ રે પીંજવાને જઈશ…..

એવી સાચી રે અમર માની ચુંદડી

---

એવા અમરમાં એ સુતર કાતિયા,

એના વણનારા રે કબીર દાસ…..

એવી સાચી રે અમર માની ચુંદડી

---

એવા એના વણ્યા રે દો દો ફાળિયા,

એક ધરતીને બીજો આકાશ….

એવી સાચી રે અમર માની ચુંદડી

---

આવા પ્રેમના રે ફાંસમાં એને,

એવે બિબે રે પડી રે રૂડી ભાત….

સાચી રે અમરમાની ચુંદડી

---

એવી ચુંદડી ઓઢીને રે પરબે હાલીયા,

એને સામા મળ્યા છે દેવીદાસ…..

એવી સાચી રે અમર માની ચુંદડી

---

એવા સાદલ પીરે ગાઈ માની ચુંદડી,

માતા અમરમાં કેરો રે પ્રતાપ ….

એવી સાચી રે અમરમા ની ચુંદડી….

---

વો હય ફકીર પુરા – સંતવાણી ભજન

---

BHAJAN LYRICS IN GUJARATI

---