કાયા તો ધૂતારાનાં શહેર છે – KAYA TO DHUTARO NA
કાયા તો ધૂતારાનાં શહેર છે
પ્રભુજીને સમયાઁ વિના… ટેક.
નાથજી નવાજ્યા વિના પાર નહીં પહોંચીએ…
જન્મ્યો હતો રે તે દિ’ શું રે બોલી બોલતો,
હવે રે બોલ્યામાં ઘણો ફેર છે,
માયામાં મનડું તારું બહુ રે લોભાણું,
રામને ભજયાથી તારે વેર છે…પ્રભુજીને સમર્યા વિના…
મોટપણું ભાઈ તેં તો બહુ રે લીધું છે,
ઇ મોટપણું એક દિ વેડશે,
કુડીરે કમાઇયું તારી ચોપડે ચડશે,
લેખા લેવા ધણી તેડશે…પ્રભુજીને સમર્યા વિના…
હીરા ઝવેરને માણેક મોતી,
છીપ રે છીપે ઘણો ફેર છે,
સાધુ બની ગયા તેથી શું થયું ને,
પ્યાલે પ્યાલામાં ઘણો ફેર છે…પ્રભુજીને સમર્યા વિના…
કહે રવિ સાહેબ ગુરુજીને સાંખે,
દીધા રે વિનાના ક્યાંથી પામશો,
દેવું હોય તો તમે દઈને રે જાજો,
એમાં પ્રભુની સાચી મહેર છે…પ્રભુજીને સમર્યા વિના…
CLICK TO DOWNLOAD MP3
જય ગુરુદત્ત જય ગિરનારી – ભજન સંતવાણી