કાળજા કેરો કટકો મારો,
ગાંઠથી છૂટી ગ્યો,
મમતા રૂવે જેમ વેરડુમાં,
વીરડો ફૂટી ગ્યો....ટેક.
છબતો નહીં જેનો પગ ઉપર,
પગ આજ થીજી ગ્યો,
ડુંગર જેવો ઉંબરો લાગ્યો ,
માંડ રે ઓળંગ્યો….કાળજા કેરો કટકો….
બાંધતી નહીં અંબલડો માથે,
હોય ઇ છૂટી ગયો,
રાહુ બની ઘૂંઘટડો,
મારા ચાંદને ગળી ગ્યો…કાળજા કેરો કટકો….
આંબલી પીપળી ડાળ બોલાવે,
એક વાર સામું જો,
ધુબકા દેતી જે ધરામાં,
થ્યો આરો અણોહરો….કાળજા કેરો કટકો….
ડગલે ડગલે મારગ એને,
સો સો ગાઉનો થ્યો,
ધારથી હેઠે ઉતરી ધીરી,
સૂરજ ડૂબી ગ્યો….કાળજા કેરો કટકો….
લૂંટાઈ ગ્યો મારો લાડ ખજાનો,
‘દાદ’ હું જોતો રહ્યો,
જાન ગઈ જાણે જાન લઈને,
એનો સુનો માંડવડો….કાળજા કેરો કટકો….
કાનુડો શું જાણે મારી પ્રીત - મીરાબાઇનું ભજન કાનુડો શું જાણે મારી પ્રીત, બાયું અમે…
આપણાં પિયુજી કેરો દેશ - AAPANA PIYUJI KERO DESH આપણાં પિયુજી કેરો દેશ હેલી રે…
શ્રી રામચંદ્ર કૃપાલુ ભજમન - SHREE RAMCHANDRA KRUPALU BHAJA શ્રી રામચંદ્ર કૃપાલુ ભજમન, હરણ ભવભય…
કાયા તો ધૂતારાનાં શહેર છે - KAYA TO DHUTARO NA કાયા તો ધૂતારાનાં શહેર છે…
આશિક જો મસ્ત ફકીરી કે - ગુજરાતી ભજન આશિક જો મસ્ત ફકીરી કે દુનિયા સે…
અલખ મીલન કે કાજ - ભજન અલખ મીલન કે કાજ ફકીરી, લેકે ફિરું મૈં જંગલ…