ઘડપણ કોણે મોકલ્યું,જાણ્યું જોબન – સુંદર સંતવાણી

---

GHADAPAN KONE MOKALYU – BEST BHAJAN SANTVANI

રચનાઃ નરસિંહ મહેતા

---

CLICK TO DOWNLOAD

---

ઘડપણ કોને મોકલ્યું, જાણ્યું જોબન રહે સો કાળ…. ટેક

---

ઉમરા તો ડુંગરા થયા રે, પાદર થયા પરદેશ,

ગોળી તો ગંગા થઈ રે, અંગે ઉજળા થયા છે કેશ…. ઘડપણ કોણે

---

નહોતું જોઈતું ને શિદ આવ્યું રે, નહોતી જોઈ તારી વાટ,

ઘરમાંથી હળવા થાય રે, એની ખૂણે ઢળાવોને ખાટ…. ઘડપણ કોણે

---

નાનપણે ભાવ એ લાડવા રે, ઘડપણે ભાવે સેવ,

રોજને રોજ જોઈએ રાબડી રે, એવી પડી છે ઘડપણની ટેવ…. ઘડપણ કોણે

---

પ્રાતઃકાળે પ્રાણ મહારા રે, અન્ન વિના અકળાય,

ઘરના કહે મરતો નથી રે, તને બેસી રહેતા શું થાય?…‌‌ ઘડપણ કોણે

---

દીકરા તો ઝુજવા થયા રે, વહુઓ દે છે ગાળ,

દીકરીઓને જમાઈ લઈ ગયા રે, હવે ઘડપણના શા રે હાલ…. ઘડપણ કોણે

---

નવ નાડો ઝૂઝવી પડીને, આવી પહોંચ્યો છે કાળ,

બૈરા છોકરા ફટફટ કરે રે, નાના બાળક દે છે ગાળ…. ઘડપણ કોણે

---

અંતકાળે વળી આવ્યા રે, દીકરા પધાર્યા દ્વાર,

પાંસળી એથી વાંસળી રે, પછી છોડીને આપી બાર….. ઘડપણ કોને

---

એવું સાંભળી પ્રભુજી ભજો રે, સાંભળજો જગનાથ,

પર ઉપકાર કીધે પામશે રે, ગુણ ગાય નરસૈયો દાસ….. ઘડપણ કોને

---

આવા કળિયુગમાં હાજરા હજુર – ગુજરાતી ભજન

---

BEST GUJARATI BHAJAN LYRICS AND MP3

---