જય આદ્યાશક્તિ, મા જય આદ્યાશક્તિ,
અખંડ બ્રહ્માંડ નિપાવ્યા પડવે પ્રગટ્યા મા
ૐ જય ૐ જય ૐ મા જગદંબે…
દ્વિતીય બેય સ્વરુપ, શિવશક્તિ જાણું, (2)
બ્રહ્મા ગણપતિ ગાયે, હર ગાયે હર મા..
ૐ જયો જયો મા જગદંબે…
તૃતીય ત્રણ સ્વરુપ ત્રિભૂવનમાં બેઠા,
ત્રયા થકી તરવેણી, તું તરવેણી મા..(2)
ૐ જયો જયો મા જગદંબે…
ચોથે ચતુરા મહાલક્ષ્મી મા સચરાચર વ્યાપ્યા,
ચાર ભૂજા ચૌદ દિશા, પ્રગટ્યા દક્ષિણમાં…(2)
ૐ જયો જયો મા જગદંબે…
પંચમી પંચ ઋષિ, પંચમી ગુણ પદ્મા,
પંચ સહસ્ત્ર ત્યાં સોહિયે, પંચે તત્વો મા…..(2)
ૐ જયો જયો મા જગદંબે…
ષષ્ટિ તું નારાયણી, મહિષાસૂર માર્યો,
નરનારી ના રુપે, વ્યાપ્યા સઘળે મા…..(2)
ૐ જયો જયો મા જગદંબે…
સપ્તમી સપ્ત પાતાળ, સંધ્યા સાવિત્રી,
ગૌ ગંગા ગાયત્રી, ગૌરી ગીતા મા….(2)
ૐ જયો જયો મા જગદંબે …
અષ્ટમી અષ્ટ ભૂજા આઈ આનંદા,
સુરવર મુનિવાર જન્મ્યા, દેવો દૈત્યો મા….(2)
ૐ જયો જયો મા જગદંબે…
નવમી નવકુળ નાગ, સેવે નવદુર્ગા,
નવરાત્રિના પૂજન, શિવરાત્રીના અર્ચન, કીધાં હર બ્રહ્મા….(2)
ૐ જયો જયો મા જગદંબે…
દસમી દશ અવતાર જય વિજ્યા દશમી,
રામે રામ રમાડ્યા, રાવણ રોળ્યો મા….(2)
ૐ જયો જયો મા જગદંબે…
એકાદશી અગિયારસ, કાત્યાયિની કામા,
કામદુર્ગા કાલિકા, શ્યામા ને રામા….(2)
ૐ જયો જયો મા જગદંબે…
બારસે બાળારુપ બહુચરી અંબા મા,
બટુક ભૈરવ સોહિયે, કાળ ભૈરવ સોહિયે, તારા છે તુ જ મા….(2)
ૐ જયો જયો મા જગદંબે…
તેરસે તુળજા રુપ તુ તારુણી માતા,
બ્રહ્મા વિષ્ણુ સદાશિવ, ગુણ તારા ગાતા….(2)
ૐ જયો જયો મા જગદંબે…
ચૌદશે ચૌદા રુપ ચંડી ચામુંડા,
ભાવભક્તિ કાંઈ આપો, ચતુરાઈ કંઈ આપો, સિંહવાહિની મા….(2)
ૐ જયો જયો મા જગદંબે…
પૂનમે કુંભ ભર્યો, સાંભળજો કરુણા,
વશિષ્ઠદેવે વખાણ્યા, માર્કંડદેવે વખાણ્યા, ગાઇ શુભ કવિતા…..(2)
ૐ જયો જયો મા જગદંબે…
સવંત સોળ સત્તાવન, સોળસે બાવીસ મા,
સવંત સોળે પ્રગટ્યા, રેવાને તીરે, મા ગંગાને તીરે….(2)
ૐ જયો જયો મા જગદંબે…
ત્રંબાવટી નગરી મા રુપાવટી નગરી, મા ચંપાવતી નગરી
સોળ સહસ્ત્ર ત્યાં સોહિયે, ક્ષમા કરો ગૌરી, મા દયા કરો ગૌરી….(2)
ૐ જયો જયો મા જગદંબે…
શિવશક્તિની આરતી જે કોઈ ગાશે, ભણે શિવાનંદ સ્વામી, સુખસંપત્તિ થાશે,
હર કૈલાશે જાશે, મા અંબા દુઃખ હરશે….(2)
ૐ જયો જયો મા જગદંબે…
કાનુડો શું જાણે મારી પ્રીત - મીરાબાઇનું ભજન કાનુડો શું જાણે મારી પ્રીત, બાયું અમે…
આપણાં પિયુજી કેરો દેશ - AAPANA PIYUJI KERO DESH આપણાં પિયુજી કેરો દેશ હેલી રે…
શ્રી રામચંદ્ર કૃપાલુ ભજમન - SHREE RAMCHANDRA KRUPALU BHAJA શ્રી રામચંદ્ર કૃપાલુ ભજમન, હરણ ભવભય…
કાયા તો ધૂતારાનાં શહેર છે - KAYA TO DHUTARO NA કાયા તો ધૂતારાનાં શહેર છે…
આશિક જો મસ્ત ફકીરી કે - ગુજરાતી ભજન આશિક જો મસ્ત ફકીરી કે દુનિયા સે…
અલખ મીલન કે કાજ - ભજન અલખ મીલન કે કાજ ફકીરી, લેકે ફિરું મૈં જંગલ…