દેવાયત પંડિત દાડા દાખવે – પ્રાચીન ગુજરાતી ભજન
DEVAYAT PANDIT DADA DAKHAVE – AGAMVANI BHAJAN
રચનાઃ દેવાયત પંડિત
દેવાયત પંડીત દાડા દાખવે, સુણી લિયોને દેવલ દે નાર,
લખ્યા રે ભાખ્યા હોય દિન આવશે, જૂઠડા નહીં રે લગાર,
આપણા ગુરુએ આગમ ભાટીયા રે….ટેક
પહેલા રે પહેલા પવન ફરુકશે, અને નદીએ નહીં હોય નીર,
ઉત્તર દિશાથી સાયબો આવશે, મુખ હશે હનુમાન વીર….. દેવાયત પંડિત
ધરતી માથે હેમર હાલશે, સુના સુના નગર મોજાર,
લક્ષ્મી લૂટાશે લોકો તણી, જેની નહીં ઘા કે ફરિયાદ…. દેવાયત પંડીત
એવો પોરો રે આવ્યો સંતો પાપનો, અને ધરતી માંગે ભોગ,
કેટલા ખડગે સહારશે અને કેટલાક મરશે રોગ…. દેવાયત પંડીત
ખોજો રે પુસ્તકને ખોજો પાનીયા અને ખોજો કાજીના કુરાન,
અસલ જાદી ચુડલો પેરશે, અને આ છે આગમના એંધાણ…. દેવાયત પંડિત
જતી રે સતી અને સાબરમતી, ત્યાં થાશે સુરાના સંગ્રામ,
તે દી કાયમધણી કાલિંગાને મારશે, અને નકલંગ ધરશે તે દી અવતાર…. દેવાયત પંડીત
કાંકરિયા તળાવે તંબુ તણાશે, અને રોકશે સો સો ગામની સીમ,
આવી રૂડી રે દિશે રે એ રળિયામણી, અને સાથે અર્જુનને ભીમ…. દેવાયત પંડિત
પશ્ચિમ દિશાથી સાયબો આવશે, અને આવે મારા જુગનો જીવણ,
કળયુગ ઉથાપી સતયુગ સ્થાપશે, એવું બોલ્યા દેવાયત પંડીત…. દેવાયત પંડિત