હર હર શંભુ હર હર શંભુ જગદીશ્વર જગરાયા,
છે અજબ તમારી માયા,
ભક્તજનોની ભીડ ભાંગી ને ભીડભંજન કહેવાયા,
છે અજબ તમારી માયા….. ટેક
પશુ પંખીને વન ઉપવનમાં,
જલ ચેતન ને પાણી પવનમાં,
અદભુત રચના જોઈ તમારી,
ભલા ભલા ભરમાયા છે ,
અજબ તમારી માયા……
પાપીને પણ આપ ઉગારો,
ક્ષમાશીલ છે ભાવ તમારો,
જે કોઈ શરણે આવે તેને,
આપો મીઠી છાયા,
અજબ છે તમારી માયા….
દેવ અને દાનવના સંગી છતાં,
આપ છો એક જ રંગી,
શુક્ર સનકાદિક વેદ પુરાણે,
ગુણ તમારા ગાયા,
છે અજબ તમારી માયા….
ડમક ડમક ડાક ડમરૂ જ્યાં બોલ્યો,
નેત્ર ત્રીજું ત્યાં આપે ખોલ્યો,
નિમિષ માત્ર માં સળગી ઉઠી,
કામદેવને કાયા,
છે અજબ તમારી માયા…
જગની રક્ષા કરવા માટે,
નામ નીલકંઠ ધરવા માટે,
વિશ પીને મહાદેવ તમોએ,
અમૃત જગને પાયા,
છે અજબ તમારી માયા…..
કાનુડો શું જાણે મારી પ્રીત - મીરાબાઇનું ભજન કાનુડો શું જાણે મારી પ્રીત, બાયું અમે…
આપણાં પિયુજી કેરો દેશ - AAPANA PIYUJI KERO DESH આપણાં પિયુજી કેરો દેશ હેલી રે…
શ્રી રામચંદ્ર કૃપાલુ ભજમન - SHREE RAMCHANDRA KRUPALU BHAJA શ્રી રામચંદ્ર કૃપાલુ ભજમન, હરણ ભવભય…
કાયા તો ધૂતારાનાં શહેર છે - KAYA TO DHUTARO NA કાયા તો ધૂતારાનાં શહેર છે…
આશિક જો મસ્ત ફકીરી કે - ગુજરાતી ભજન આશિક જો મસ્ત ફકીરી કે દુનિયા સે…
અલખ મીલન કે કાજ - ભજન અલખ મીલન કે કાજ ફકીરી, લેકે ફિરું મૈં જંગલ…