લીધી રે વિદાયું બગદાણા – સુંદર ગુજરાતી ભજન
LIDHI RE VIDAYU BAGADANA – BAPA SITARAM NU BHAJAN
રચનાઃ અનામી
અમને છોડી ચાલ્યા બાપા બજરંગદાસ રે,
બાપા તમે નોંધારા મેલીને નવ જાવ રે,
લીધી રે વિદાયું બગદાણા ધામની…
સત્યની સેવાયું તમારી સાંભરે,
તમે દુઃખીયાના હતા દાતાર રે,
વસમી વિદાયું તમારી સાંભરે…
જોને શોશાણા જળ સાયરા,
ઓલ્યા પથ્થર પીગળીને જાય રે,
સ્વર્ગે બજરંગદાસ બાપા સીધાવતા રે…
રોયા પશુ ને રોયા પંખીડા હો બાપા,
તમારા વિના રોઈ ઊઠી આખી વનરાય રે,
વસમી વિદાયું તમારી સાંભરે…
હરિના ભરોસે હરદમ હાલતા,
દિલના હતા તમે દાતાર રે,
વસમી વિદાયું તમારી સાંભરે…
સંતની કૃપા હરદમ રહેતી,
નારુ કહે ઉજાળ્યો અવતાર રે,
લીધી રે વિદાયું બગદાણા ધામની…