હોય જ્યારે દુઃખ હોય, માગે ત્યારે જ માનવી,
( બાકી ) નોયે કોઈને નોય, (જગમાં) શોખ માગ્યાનો શંકરા.
માંગણ ન જાય માંગવા, દાતા ન ભણે ના ,
પરાઇ આ પીડા (અહીં) સમજે નહીં કોઈ શંકરા.
અંતરના ઉંડાણથી (કો’ક ) ભેદુને જ ભણાય,
( પણ ) ચોરે ના ચર્ચાય (કોય દી) ચિત્તની વાતું શંકરા.
ઉંબરમાં અધશેર (કોય દી ) ઉપર ભાર મુકેલ નહીં,
( પણ ) ધડ પર થાશે ઢેર, (એક દી) છાણા ને કાઠના શંકરા.
ગાદી તકિયા ને ગાદલા, એ પણ હતા કઠતાં,
( એનેય) છાણાની સેજે ( અમે ) સુતા જોયા શંકરા.
દેવું ધન દિનને નિત રટવું હરી નામ,
કરવા જેવા કામ (અહીંયા) સાચાં આ બે શંકરા.
દાનવ માનવ દેવને સુરાં ભગતાં સોત,
માડું કે વે’લું મોત સૌને માથે શંકરા.
મુવા પછી મનુષને દેતા અગ્નિદાહ,
રોતા તાણીને રાગ (એ તો) સ્વાર્થને સૌ શંકરા.
પવન પવનમાં મળે, માટી માટી થાય,
(પણ) મમતા ના મુકાય છેવટ સુધી શંકરા.
ભર્યા હોય ભંડારમાં, અન્ન ધન અપરંપાર,
( એમાંથી) ભાતામાં પઇભાર, ( કોઈની) સાથે ના’વે શંકરા.
ભામન મનહરણી ભવન, સુત ભાઈ સમરાથ,
એ સ્નેહી કોય સંગાથ, ( કોઈનો) છેવટ ન કરે શંકરા.
હાજર હોય હરેક સગાં કુટુંબી ને સેવકો,
(પણ) અંતે એકાએક છે જાવાનું શંકરા.
લોભેથી લાખો તણી માયા મેળવીએ,
(પણ) અંત વેળાએ એ (કોઈની) સાથે ના’વે શંકરા.
માતંગ બગીયું ને મોટરું ભલે કરોડ હોય કેકાંણ,
( પણ ) છેવટનું પરીયાણ (તારે) પગપાળા જાવું શંકરા.
આઈ કરું છું અરજી - માતાજીનું ભજન AAI KARU CHHU ARAJI - MATAJI NI CHARAJ…
અકળ કળા ન ઓળખાણી-ગુજરાતી સંતવાણી AKAL KALA NA OLAKHANI - BEST BHAJAN GUJARATI CLICK TO…
સાખીઓ - મીરાંબાઈની ભજન સાખી MIRABAI NI SAKHI - BHAJAN SANTVANI SAKHI CLICK TO DOWNLOAD…
અરજી સુણો - કચ્છી ભજન AARAJI SUNO NE MUNJI - KACHCHHI BHAJAN CLICK TO DOWNLOAD…
આદિ અનાદિ વચન - ગુજરાતી ભજન સંગ્રહ AADI ANADI VACHAN - GANGASATI NU BHAJAN આદિ…
કાળીંગાને વારો જુગમાં - ગુજરાતી ભજન સંતવાણી kaliga ne varo jag ma julam - bhajan…