PRACHIN GARBO
GARBO:10
MA PAVA TE GADH THI UTARA…..
મહાકાળી માતાજીનો ગરબા
લોકપ્રિય ગરબો
મા પાવા તે ગઢથી ઉતરા……
મા પાવા તે ગઢથી ઉતરા,મા કાળી રે,
મા એ વસાવ્યું ચાંપાનેર,પાવાગઢ વાળી રે…..મા પાવા…(1)
મા ચાંપા તે નેર ના ચાર ચૌટા,મા કાળી રે,
ત્યાં સોનીડો માંડે હાટ ,પાવાગઢ વાળી રે…..મા પાવા….(2)
મા સોનીડો લાવે રૂડા ઝૂમણા ,મા કાળી રે,
મારી અંબેમાને કાજ ,પાવાગઢ વાળી રે…..મા પાવા….(3)
મા માળી તે આવે મલપતો,મા કાળી રે,
એ લાવે ગજરાની રે જોડ ,પાવાગઢ વાળી રે…..મા પાવા….(4)
મા કુંભારી આવે મલપતો ,મા કાળી રે,
એ લાવે ગરબા કેરી જોડ ,પાવાગઢ વાળી રે…..મા પાવા…. (5)
મા સુથારી આવે મલપતો ,મા કાળી રે,
એ લાવે બાજોઠ કેરી જોડ ,પાવાગઢ વાળી રે…..મા પાવા…. (6)
મા ગાય શીખેને સાંભળે ,મા કાળી રે,
તેની અંબા પુરજો આશ ,પાવાગઢ વાળી રે…..મા પાવા….(7)
મા પાવા તે ગઢથી ઉતરા,મા કાળી રે,
મા એ વસાવ્યું ચાંપાનેર,પાવાગઢ વાળી રે…..મા પાવા…
SANTVANI DHAM,MAHAKALI MATAJI NA GARBA