કંકુ છાંટી કંકોતરી મોકલો – લગ્ન ગીત
KANKU CHHANTI KANKOTARI MOKALO
કંકુ છાંટી કંકોતરી મોકલો,
એમાં લખજો બેનીના નામ રે,
લગન આવ્યાં ઢુંકડા…
બેનનાં દાદા આવ્યા ને દાદી આવશે,
બેનના માતાનો હરખ ન માય રે,
લગન આવ્યા ઢુંકડા ….
બેનનાં કાકા આવ્યા ને કાકી આવશે,
બેનના ફૈબાનો હરખ ન માય રે,
લગન આવ્યા ઢુંકડા ….
બેનનાં મામા આવ્યા ને મામી આવશે,
બેનના માસીબાનો હરખ ન માય રે,
લગન આવ્યા ઢુંકડા ….
બેનનાં વીરા આવ્યા ને ભાભી આવશે,
બેનની બેનીનો હરખ ન માય રે,
લગન આવ્યા ઢુંકડા ….