DHOLIDA DHOLIDA DHOL DHIME DHIME…….GARBA IN GUJARATI LYRICS
ઢોલીડા ઢોલ ધીમે ધીમે વગાડ ના……ગુજરાતી ગરબો-ભગવતીનો ગરબો
આ ગરબો અંહીથી સાંભળો.
સ્વરઃઅરવિંદ બારોટ – ભાવના રાણા
ઢોલીડા ઢોલ તું ધીમે વગાડ ના,ધીમે વગાડ ના,
રઢિયાળી રાતડીનો જોજે રંગ જાય ના….
ધ્રુજે ના ધરતી તો રમઝટ કહેવાયનાં,રમઝટ કહેવાયના,
રઢિયાળી રાતડીનો જોજે રંગ જાય ના….
પુનમની રાતડીને આંખડી ઘેરાયના,આંખડી ઘેરાયના,
રઢિયાળી રાતડીનો જોજે રંગ જાય ના….
હો….ચમકતી ચાલ અને ઘુઘરીનો ઘમકાર,
હો….નૂપુરના નાદ સાથે તાળીઓના તાલ,
ગરબે ઘુમતા માને કોઇથી પહોચાયના,કોઇથી પંહોચાયના,
રઢિયાળી રાતડીનો જોજે રંગ જાય ના….
હો….વાંકડીયા વાળ અને ટીલડી લલાટ,
હો….મોગરાની વેણીમાં શોભે ગુલાબ,
નીરખી નીરખીને મારું મનડું ધરાયના,મનડું ધરાયના,
રઢિયાળી રાતડીનો જોજે રંગ જાય ના….
હો….સોળે શણગાર સજી,અવની પર આજ ,
હો….પ્રેમનું આંજણ આંજી, આવી માડી છે આજ,
આછી આછી ઓઢણીમાં રૂપ માનું માય ના,તેજ માનું માય ના,
રઢિયાળી રાતડીનો જોજે રંગ જાય ના….
આ ગરબાની MP3 FILEઅંહીથી ડાઉનલૉડ કરો.
SANTVANI DHAM ,GARBA NI RAMZAT