આહિરનાં દુહાઓ – સંતવાણી ભજન
AHIR NA ENDHAN -DUHA – આહિરનાં દુહાઓ
ગુજરાત અને એમાં પણ સૌરાષ્ટ્રમાં એક ખમીરવંતો સમાજ એટલે આહિર સમાજ.જેનો ઇતિહાસ બહુ ઉજ્જવળ છે,તેવાં સમાજે ગુજરાતની સંસ્કૃતિ અને સંસ્કારીતાને જાળવવામાં બહું મોટું યોગદાન આપેલું છે.અને તેવા આહિર સમાજને મુલવતા કેટલાંક દુહાઓ અંહિ આપવામાં આવ્યાં છે.
ઘેર કુંઢી દોણા ભરે,જુવારે ઘર છલકાય,
દેજે કહ્યાગરા દીકરા તું અમને,
લીરલબાઇ તું તો કોથળી વારી આઇ.
દી ઉગે ને દાન દિયે,
ભભકે ઘીની ધાર,
સૌ મેમાનને સરખા ગણે,
ઇ છે આહિરનાં એંધાણ.
મુખથી જુઠું બોલે નહીં,
ને નિરખે નહીં પર નાર,
રાજાનું પણ રક્ષણ કરે,
ઇ છે આહિરનાં એંધાણ.
જાજા વેરી જોઇને કોઇ દિ,
હૈયામાં ન પામે હાર,
લડવામાં પાછા કોઇ દી નો હટે,
ઇ છે આહિરનાં એંધાણ.
દુનિયા જેને જાંકારો દિયે,
અને રાખે ન ઘરમાં રાણ,
પણ માથા સાટે મુલવે,
ઇ છે આહિરનાં એંધાણ.
મુખથી જુઠું બોલે નહીં,
નિરખે ન અવર નાર,
ધર્મ ધીંગાણે પાછા ન પડે,
ઇ તો આહિરનાં એંધાણ.
સંતવાણી દુહાઓ,ગુજરાતી દુહા,DOHA IN GUJARATI,SANTVANI DHAM
કંકુ છાંટી કંકોતરી મોકલો – LAGNA GEET