NATHI PARAVA TAMANE MARI – GUJARATI GAZAL
નથી પરવા તમને મારી -સંતવાણી ગઝલ
રચનાઃમાણેક જસાણી
નથી પરવા તમને મારી,
છતાં હું તો તમારો છું,
સદા તમે તો સ્વતંત્ર છો,
પરાધીન હું તમારો છું …. ટેક
હ્રદયની રાજગાદી પર,
પ્રેમથી પધરાવી તમને,
ચડાવું ફુલ આંસુઓના,
પુજારી હું તમારો છું …. નથી પરવા તમને ….
સંભારું હું તમને જ્યારે,
ત્યારે બધું વિસારું છું,
દુનિયા ચાહે સવ જાણે,
દિવાનો હું તમારો છું …. નથી પરવા તમને ….
જુગારી જિંદગીનો હું,
ગયો છું દિલને હારી,
હવે તો ઓસીયારો હું,
સદા માટે તો તમારો છું …. નથી પરવા તમને ….
ચકોરી જેમ ચાહે,
ચાહું તેમ હું તમને,
ચાતક મેઘના જેવો,
તરસ્યો હું તમારો છું …. નથી પરવા તમને …
માણેક હાલ મારાની,
ખબર પુછે કે ના પુછે,
રીબાતો હ્રદયનો રોગી,
વિયોગી હું તમારો છું …. નથી પરવા તમને ….
સંતવાણી ધામ,GAZAL GUAJARTI,SANTVANI BHAJAN
GUJARATI GAZAL SONG -હું માંગુ ને તું આપી દે