NA GHAR HARI TANU – SANTVANI BHAJAN
ન ઘર હરી તણું-ગુજરાતી સંતવાણી ભજન
રચનાઃ નરસિંહ મહેતા
ન ઘર હરી તણું, અલ્પમતિ આળસું,
જે થકી જન્મનાં દુઃખ જાયે,
અવળ ધંધો કરે,અરથ કાંઇ નવ સરે,
માયા દેખાડીને મૃત્યુ વહાયે …..
સકળ કલ્યાણ શ્રી કૃષ્ણના ચરણમાં,
શરણ આવે સુખ પાર ન્હોયે,
અવળ વેપાર તું, મેલ મિથ્યા કરી,
કૃષ્ણનું નામ તું રાક મોંએ ….
પટક માયા પરી.અટક ચરણે હરી,
વટકમાં વાત સુણતાં જ સાચી,
આશનું ભવન આકાશ સુધી રચ્યું,
મુઢએ મુળથી ભીંત કાચી ….
અંગ જોબન ગયું,પલિત પિંજર થયું,
તોય નથી લેતો શ્રીકૃષ્ણ કહેવું,
ચેત રે ચેત, દિન ચાર છે લાભના,
લીંબુ લહેકાવતાં રાજ લેવું ….
સરસ ગુમ હરી તણા,જે જેના અનુસર્યા,
તે તણા સુજશ તો જગત બોલે,
નરસૈંયા રંકને, પ્રીત પ્રભુ શું ઘણી,
અવર વેપાર નહીં ભજન તોલે
SANTVANI BHAJAN,GUJARATI BHAJAN GEET
SUKH MA VISARU TANE – સુખમાં વિસરૂ તને,દુઃખમાં યાદ