RAMAPIR NO HELO…..BHAJAN LYRICS GUJARATI
રામાપીરનો હેલો…..RAMAPIR NO HELO
અંહિથી હેલો સાંભળો…
સ્વરઃ કિર્તીદાન ગઢવી
હેલો મારો સાંભળોને રણુજાના રાય,
હુકમ કરો તો પીર જાત્રાયું થાય…
મારો હેલો સાંભળો હો જી….ટેક
અજમલજીના બેટા,વિરમદેવનાં વીરા,
રાણી નેતલનો ભરથાર….મારો હેલો (1)
વાણિયોને વાણિયાર જાત્રાએ જાય,
માવ દેખીને ચોર વાંહે વાંહે જાય…મારો હેલો (2)
ઘાટી ઘાટી ઝાડીયુંને વસમી વાટ,
બે હતા વાણીયાને ત્રીજો થયો સાથ…મારો હેલો (3)
ઊંચા ઊંચા ડુંગરાને વચમાં છે ઝોળ,
મારી નાખ્યો વાણિયોને માલ લઇ ગ્યા ચોર…મારો હેલો (4)
ઊભી ઊભી અબળા કરે છે પોકાર,
સોગઠે રમતાં પીરને કાને ગ્યો અવાજ…મારો હેલો (5)
નીલુડો છે ઘોડલોને હાથમાં તીર,
વાણિયાની વારે ચડ્યા રામદેવ પીર…મારો હેલો (6)
ઊઠ ઊઠ વાણિયાર ઘડ માંથુ જોડ,
ત્રણ ભુવનમાંથી ગોતી લાવું ચોર…મારો હેલો (7)
આંખે કરું આંધળોને દિલે કાઢું કોઢ,
દુનિયા જાણે રે પીર રામદેનો ચોર …મારો હેલો (8)
ભાગ ભાગ ચોંનટા તું કેટલેક જાઇશ,
વાણિયાનો માલ તું કેટલાં દાડા ખાઇશ….મારો હેલો (9)
ગાય દલુ વાણિયોને ભલી રાખી ટેક,
રણુંજા શેર વાણિયે પેરી લીધો ભેખ…મારો હેલો (10)
હેલો મારો સાંભળોને રણુજાના રાય,
હુકમ કરો તો પીર જાત્રાયું થાય…
મારો હેલો સાંભળો હો જી….
અહિંથી આ હેલો ડાઉનલૉડ કરો…
MP3 FILE:10.8 MB
ગુજરાતી પ્રાચિન ભજનો,સંતવાણી ભજન,SANTVANI DHAM,GUJARATI BHAJAN LYRICS PDF,રામાપીરનું ભજન-સંતવાણી ભજન
MOGAL CHHEDATA KALO -મોગલ છેડતા કાળો નાગ