DUKHIYA GARIBO NI SEVA……SANTVANI BHAJAN
ભજન…..દુઃખિયા ગરીબોની સેવા કરૂં છું….
રચનાઃ વિઠ્ઠલદાસ
કાવડ ખભે લઇને વિચરું છું…દુઃખિયા ગરીબો (1)
સામા મળે જો કોઇ સંત પ્રેમી,
સતસંગ કરીને મનડું ભરું છું…દુઃખિયા ગરીબો (2)
નમું છું નમું છું હું હેતે હરીને,
એ હ્રદય કમળમાં હું દર્શન કરું છું…દુઃખિયા ગરીબો (3)
નથી તૃષ્ણા રહી મુજ મનમાં,
સદગુરૂજીનો સમરણ કરું છું…દુઃખિયા ગરીબો (4)
માનવીઓને સદમાર્ગે વાળવા,
એ સત્ય ધરમનો ઉપદેશ કરું છું…દુઃખિયા ગરીબો (5)
અન્નજળ આપવા રણમાં ગરીબોને ,
એ લાલીયા મોતીયાને હુકમ કરું છું…દુઃખિયા ગરીબો (6)
સમસ્થ સંતોની સાથે રહીને,
ષડરીપુઓની સામે લડું છું…દુઃખિયા ગરીબો (7)
મેકરણ ચરણે બોલ્યા વિઠ્ઠલદાસ,
એ તમારા દર્શન કાજે મરું છું ….દુઃખિયા ગરીબો (8)
દુઃખિયા ગરીબોની સેવા કરું છું,
કાવડ ખભે લઇને વિચરું છું…દુઃખિયા ગરીબો