THAKAR AMANE MEL MA THELI-BHAJAN LYRICS GUJARATI
ઠાકર અમને મેલમાં ઠેલી – સંતવાણી ભજન
રચનાઃ કવિ શ્રી કાગ બાપુ
આ ભજનને અંહીથી સાંભળો.
સ્વરઃ દલસુખ પ્રજાપતી
ઠાકર અમને મેલમાં ઠેલી,
તું છો એકલનો બેલી ….
જીવન કેને આશરે જઇએ,
જીવન કેને આશરે જઇએ,
ઠાકર અમને મેલમાં ઠેલી …… ટેક
કાલા ઘેલા અમે તારા કેવાણાં,
ને જપીયેં રૂડા તારા જાપ,
નાતો મારે કોઇનો નહીં,
અમે બીજે કયાં જઇએ બાપ ……ઠાકર અમને
યાદ તણા આડતિયાં તારાં,
શેઠ તું છે શાહુકાર,
તારું લેણું છે ત્યાં લગી,
બીજો ધીરશે નંહી તલભાર …..ઠાકર અમને
તારા મોંટાળા થી ત્રિકમા મારું
ગોવિંદ જાશે જ્ઞાન ,
મોંટાળો ન દિયે મિત્ર જે સાચો,
કદી ભીડ પડયે ભગવાન ……ઠાકર અમને
ગણિકા ના ગુના માફ કર્યા તેં,
હાથી તાર્યો અણવાર
મુંઆ વખતે મારા માવજી એમ જ,
સવળો થા સરદાર …. ઠાકર અમને
રાખજે તારી રીત પ્રમાણે ,
તુંય લેજે ઘણો તાગ,
કરોડ મોઢેજગ માંય કેવાણો,
હું કાનજી તારો કાગ …. ઠાકર અમને
ઠાકર અમને મેલમાં ઠેલી,
તું છો એકલનો બેલી ….
જીવન કેને આશરે જઇએ,
જીવન કેને આશરે જઇએ,
ઠાકર અમને મેલમાં ઠેલી ….
આ ભજનની MP3 FILE અંહીથી ડાઉનલૉડ કરો…
CLICK TO DOWNLOAD
SANTVANI DHAM , GUJARATI BHAJAN LYRICS,BHAJAN SANTVANI
KANUDA NE KOIYE BHALEL RE-BHAJAN LYRICS