ADHURIYA THI NA KARIYE-BEST BHAJAN
અધૂરિયા થી ન કરીએ દિલની વાત- ભજન
રચનાઃસતી લિરલબાઇ
અધૂરિયા થી ન કરીએ દિલની વાત
નર પુરા મળે તો રોવું રેડીયે….. એવા પુરા રે…
એવા ખાડા રે ખાબોચિયાની એક દેડકી,
ઇ શું જાણે મહાસમદરિયાની લેર….. એવા પુરા રે…..
એવા દુરીજનને દઈયે આડા ડુંગરા,
મારા હરિજનોને મળીયે મુખામુખ……. એવા પુરા રે……
એવી કુવાની છાયા કૂવામાં વિસામે,
અને તસ્કરની માં રુવે રુદીયાની માંય…… એવા પુરા રે……
એવા રાઠોડના કુળમાં સતી લીરલબાઈ બોલ્યા,
અને મારા હરિજનો અમરાપરમા વાસ….. એવા પુરા રે……