GUAJARATI SANTVANI
LOKGEET -04
DIKRI MARI LADAKVAYI LAXMI NO AVATAR….
લોકગીત
દિકરી મારી લાડકવાયી…..
દિકરી મારી લાડકવાયી , લક્ષ્મીનો અવતાર,
એ સુવે તો રાત પડેને, જાગે ત્યારે સવાર….દિકરી મારી (1)
દિકરી તારા વહાલનો દરીયો જીવનભર છલકાય,
પામતાં જીવન માતપિતાનું ધન્ય થઇ જાય,
એક સ્મિતમાં તારા,ચમકે મોતીડાં હજાર…દિકરી મારી (2)
ઢીંગલા સાથે રમતી ઢીંગલી, જેવું મારું બાળ,
રમતા થાકીને ભુખ લાગે તો,ખીર રાખુ તૈયાર,
રૂપમાં તારા લાગે મને, પરીનો અણસાર…દિકરી મારી (3)
કાલી -ઘેલી વાણીથી ઘર,ઘુઘરા થઇને ગુંજે,
પાપા-પગલી ચલાવતાં બાપૂનું હૈયું ઝુમે,
દિકરી તુ તો માત પિતાનો સાચો છે આધાર….દિકરી મારી (4)
હૈયાના ઝૂલે હેતની દોરી,બાંધી તને ઝૂલાવું,
હાલરડાંની રેશમી રજાઇ,તને હું ઓઢાડું,
પાવન પગલે તારા, મારો ઉજળો છે સંસાર…દિકરી મારી (5)
દિકરી મારી લાડકવાયી , લક્ષ્મીનો અવતાર,
એ સુવે તો રાત પડેને, જાગે ત્યારે સવાર….દિકરી મારી
SANTVANI DHAM ,GUJARATI LOKGEET