JOGI RE DITHO JUNA JUG NO – JALARAM BAPA NU BHAJAN
જોગી રે દિઠો જુના જુગનો – જલારામ બાપાનું ભજન
રચનાઃ અનામી
જોગી રે દિઠો જુના જુગનો,
ઉભો ઉભો અલખ ને દરબાર રે વીરપુર ના વાસી….ટેક
એવી જગથી ઊંચેરી એની ઝૂંપડી,
કહેવાણો એ તો ઓલિયાનો અવતાર રે વીરપુરના વાસી….. જોગી રે દીઠો….
એવા પગલે પાવન કીધો દેશને,
હતો એ તો લાખોનો તારણહાર રે વીરપુરના વાસી…. જોગી રે દિઠો….
એવા ભુખ્યા દુ:ખિયાનો જલો આશરો,
હાથમાં જાણે ભજન નો ભંડાર રે વીરપુરના વાસી ……જોગી રે દિઠો…..
એવી અમૃત બુટી જલાની જીભમાં,
વચને એના મડદાં બેઠા થાય રે વીરપુરના વાસી ……જોગી રે દીઠો….
એવા ઠામે ઠામે જલાના બેસણાં,
સેવક એના સૌ ગુણ ગાયે રે વીરપુરના વાસી …..જોગી રે દિઠો….
એવા પરચા પૂર્યા છે ઘણા ગામમાં,
જગમાં એને અમર રાખ્યું નામ રે વીરપુરના વાસી ……જોગી રે દિઠો…..
એવા સોરઠના સંત તારા ચરણોમાં,
લાખો લાખો ભકતોના પ્રણામ રે વીરપુરના વાસી …..જોગી રે દિઠો…..