JAG MA ENU NAM FAKIR – BEST SANTVANI LYRICS
જગમાં એનું નામ ફકીર- કાગ બાપુનું ભજન
રચનાઃ દુલા ભાયા કાગ
જગમાં એનું નામ ફકીર,
જેની મેરુ સરખી ધીર….. ટેક
મનમાં ન મળે મારુ તારુ,
અંતરના અમીર જી,
સો સો નદિયુ ઉર સમાણી,
સાગર જેમ ગંભીર…. જગમાં એનું નામ ફકીર….
સ્વર્ગનું પણ ચાહે નહીં,
સુખ એનું શરીર,
પ્રસન્નતા મનથી ભોગવે પોતે,
દુઃખીજનની પીર……જગમાં એનું નામ ફકીર…..
અંતર ઉજ્જવળ આતમ એનું,
ગંગાજીના નીર જી,
આજ આવ્યું ઈ ભોગવી લે,
આગળની ન અધીર …….જગમાં એનું નામ ફકીર…..
અંતરમાં એને ભભક આવે,
સબળ જેના શરીર જી,
હોય ભલે ને નર હરામી,
પળમાં કરી દે પીર ……જગમાં એનું નામ ફકીર…..
વિપત દેખી વણશે નહી,
સંતોષી એનું શરીર જી,
‘કાગ’ કહે કાયમ મળજો,
દિલ નહીં દિલગીર….. જગમાં એનું નામ ફકીર…..