GALATI MAJAM RAT JADEJA – JUNA BHAJAN SANTVANI
ગળતી માજમ રાત જાડેજા – જુની સંતવાણી
રચનાઃ સતિ તોરલ
ગળતી માજમ રાત જાડેજા,
લાલ રે લૂંગી ની વાળી ગાંઠડી રે…..ટેક
ગણેશ ઠાકરીયો લીધો હાથ જાડેજા,
સામે રે મંદિરીયે ખાતર દઈ વળ્યા રે…… ગળતી માજમ……
તોળી ઘોડી ને તલવાર જાડેજા,
એવી ચોથી રે તોળાદેની પાભરી રે……. ગળતી માજમ…….
તમે રે ચંપો ને અમે કેળ જાડેજા,
એક રે ક્યારામાં દોનો રોપિયા રે….. ગળતી માજમ……
તમે રે હીરા ને અમે લાલ જાડેજા,
એક ધાગા માં દોનું પરોવિયા રે…. ગળતી માજમ…..
તમે રે પાણી ને અમે પાળ જાડેજા,
એક રે ક્યારામાં દોનુ ઝૂલતા રે…… ગળતી માજમ…..
બોલ્યા ખીમડીયો કોટવાલ જાડેજા,
મારા સાધુ અમરાપુરમાં મહાલશે રે…… ગળતી માજમ……