LAXIMIJI EM PUCHHE RE – SANTVANI BHAJAN LYRICS
લક્ષ્મીજી એમ પુછે રે-સંતવાણી ભજન
રચનાઃ પ્રભાશંકર
લક્ષ્મીજી એમ પૂછે રે વાલા શું વિચારમાં રે હાં….
અને કહો ને કેશવ કેમ થયા ઉદાસ રે હાં….. ટેક
આપણા ભગત નરસૈયાને રે સતી તમે ઓળખો રે હાં,
એને હારને કારણે પુર્યા હવેલી માય રે હાં…… લક્ષ્મીજી એમ
પ્રભાતુની પહેલાં રે મારે જુનાગઢ પહોંચવું રે હાં,
અને આપવો છે કાંઈ નરસૈયાને હાર રે હાં….. લક્ષ્મીજી એમ
વાલોજી ઉઠ્યા રે ભક્તોની ભીડ ભાંગવા રે હાં,
અને ગરુડ ઉપર ગોવિંદ થયા અસવાર રે હાં….. લક્ષ્મીજી એમ
કેદારો છોડાવ્યો રે કરજ વણિકનુ કાપ્યું રે હાં,
અને આપ્યો છે કાંઈ નરસૈયાને હાર રે હાં…….. લક્ષ્મીજી એમ
પ્રભાશંકરના પ્રીતમ રે વાલો વહેલા આવ્યા રે હાં,
અને વાલે પુર્યા છે કાંઈ ભક્તોના કોડ રે હાં…….. લક્ષ્મીજી એમ