GUJARATI GAZAL
GAZAL-07
DIVASO JUDAI NA JAY CHHE
ગઝલ
દિવસો જુદાઇના જાય છે……
દિવસો જુદાઇના જાય છે,
એ જશે જરૂર મિલન સુધી,
મારો હાથ ઝાલી લઇ જશે,
મુજ શત્રુઓ સ્વજન સુધી…દિવસો જુદાઇનાં (1)
ન ધરા સુધી ન ગગન સુધી,
નહીં ઉન્નતિનાં પતન સુધી,
અહીં આપણે તો જવું હતું,
બસ એકમેકના મન સુધી….દિવસો જુદાઇનાં (2)
તમે રાંકના છો રતન સમા,
ન મળો એ આસુંઓ ધૂળમાં,
જો અરજ કબુલ હો આટલી,
તો હ્રદયથી જાઓ નયન સુધી…..દિવસો જુદાઇનાં (3)
તમે રાજ રાણીના ચીર સમ,
અમ રંક નારની ઓઢણી,
તમે સંગ રહો ઘડી બે ઘડી,
અમો સાથ દઇએ કફન સુધી…..દિવસો જુદાઇના (4)
છે અજબ પ્રકારની જિદંગી,
કહો એને પ્યારની જિદંગી,
ન રહી શકાય જીવ્યા વિના,
નટકી શકાય જીવન સુધી….દિવસો જુદાઇનાં (5)
હજુ પાથરી ન શક્યો સુમન,
પરિમલ જગતના ચરણ સુધી,
ન ધરાની હોય જો સમતિ,
મને લઇ જશો ના ગગન સુધી…..દિવસો જુદાઇનાં (6)
જો હ્રદયની આગ વધી ગની,
ખુદ ઇશ્વરે કૃપા કરી
કોઇ શ્વાસ બંધ કરી ગયો,
કે પવન ન જાય અગન સુધી…..દિવસો જુદાઇનાં (7)
SANTVANI DHAM
GAZAL GUAJARTI