SONAL MA NI AARATI – BEST AARATI
આઇ સોનલની આરતી – સંતવાણી આરતી
રચનાઃ કવિ આપ
જાણે ઉગ્યો મંદિરીયામાં આભ, સોનલ તારી આરતીયે,
રમે તારલા નવ લાખ રાસ, સોનલ તારી આરતીયે……ટેક…..
વાયરા વસંત ધૂપ થઈને વાય છે,
દરિયાના લોઢ તારી આરતીયુ ગાય છે,
એ ગાજેગાજે નગારે બારે મેઘ….. સોનલ તારી આરતીયે……
વનરા અઢાર બાર ફુલ વરસાવે,
નવસો નવ્વાણું નદી અરઘ ચડાવે,
એ તારા પાવલીયા ધોવે પહાડ….. સોનલ તારી આરતીયે…
સૂરજને ચંદ્ર કેરા દિવડા જલાવ્યા,
સંધ્યા પ્રભાત સિંદૂર ચડાવ્યા,
તારી જાલરુ ગૂજે ઓહમ નાદ….. સોનલ તારી આરતીયે
માત સોનલ તારી ભાવભરી આરતી,
આપ કવિ ગાય એના દુખડા નીવારતી,
રહે રાજી માનવ દિનરાત …….સોનલ તારી આરતીયે…..