SUNDHUN NA VASI AMNE – SANTVANI SONG IN GUJARATI
સુનધુનનાં વાસી અમને – ભજન ગીત
રચનાઃ રેવા ભારથીજી
સુનધુન ના વાસી અમને ઓલિયો મળ્યા અવિનાશી,
સમરથ ગુરુએ દેશ દેખાડ્યો, સાધુને નજરે ભાળ્યા,
નજર કરીને નિહાળ્યા….. ટેક…..
ચાંદો બીજમાં સુરજ પણ બીજમાં, બીજમાં નવલખ તારા,
ધરણી બીજમાં આકાશ બીજમાં, બીજમાં અખંડ ધારા…. સુનધુનના વાસી….
હિન્દુ બીજમાં મુસલમાન બીજમાં, બીજમાં સકલ સંસારા,
જતી બીજમાં સતી પણ બીજમાં, બીજમાં દસ અવતારા…સુનધુનના વાસી…..
એ બ્રહ્મા વિષ્ણુ મહેશ પણ બીજમાં, બીજીમાં ત્રિગુણ માયા,
ષટ દર્શન સાડા બારે બીજમાં, બીજમાં ખેલ સમાયો……. સુન ધુનના વાસી……
બીજ તણો છે મહિમા મોટો, અનુભવે થી ઓળખાયો,
ન બને જો નિરમળા તો, સમજે એનો ફેરો ફાયો…..સુનધુનના વાસી……
બીજ જાણ્યા વિના બારા ભટકે, નુગરા નરકે જાશે,
અહીંયાના નહીં ને તે ત્યાંના નહીં ,પણ વીંઝણીયા કો ગાશે….સુનધુનના વાસી…
બીજની ઉપર કાંઈક બીજું છે, એનું કેતું નથી કોઈ,
ભારથી રેવાને ગુરુ મનોહર મળ્યા, કરોડે પહોંચ્યાં નર કોઇ….. સુનધુનના વાસી……