ASHA BHARYA TE AME AVIYA – KRISHNA RAS
આશા ભર્યા તે અમે આવિયા – રાસ ગીત
રચનાઃ નરસિંહ મહેતા
આશા ભર્યા તે અમે આવિયાં ને,
મારે વાલે રમાડ્યા રાસ રે…… આવેલ આશા ભર્યા….
શરદપૂનમની રાતડી ને,
કાંઈ ચાંદો ચઢયો આકાશ રે …..આવેલ આશા ભર્યા…..
વૃંદા તે વનના ચોકમાં કાંઈ,
નાચે નટવરલાલ રે….. આવેલ આશા ભર્યા…..
જોતા તે વળતા થંભ્યાં,
ઓલ્યા નદી કેરા નીર રે….. આવેલ આશા ભર્યા….
અષ્ટકુળ પર્વત ડોલિયા ને,
ઓલ્યા ડોલીયા નવ કુળ નાગ રે …..આવેલ આશા ભર્યા……
મહેતા નરસૈયાના સ્વામી શામળિયા,
સદા રાખો ચરણની પાસ રે….. આવેલ આશા ભર્યા….