SAN MA EK SAMAN GURUJI – GUJARATI BHAJAN LYRICS
સાનમાં એક સમાન ગુરુજીની કહું પાનબાઈ
રચના – ગંગાસતી
સાનમાં એક સમાન ગુરુજીની કહું પાનબાઈ, જેથી ઉપજે અતિ આનંદ,
સિદ્ધ અનુભવ જેને ઉરમાં પ્રગટે,
તેને મટી જાય માયા કેરો ફંદ….. ટેક….
ચૌદ લોકથી વચન છે ન્યારું,
તમે તેની કરી લો ઓળખાણ,
યથાર્થ બોધ વચનનો જાણતાં,
મટી જાય મનના તાણા વાણ…. સાનમાં એક….
વચન થકી ચૌદ લોક રચાણા,
વચન થકી ચંદા અને સૂર,
વચન થકી માયાને મેદની,
વચન થકી વરસે સાચાં નૂર….. સાનમાં એક…..
વચન જાણ્યું એને સર્વે જાણ્યુ,
તેને કરવું પડે નહિ બીજું કાંઈ,
ગંગા સતી એમ બોલિયા પાનબાઈ,
એને નડે નહીં માયાની છાંટ…. સાનમાં એક…..
SANTVANI DHAM,BHAJAN GUJARATI,ભજન ગીત
ITANA TO KARANA SWAMI-BEST BHAJAN