SACHA SAGAR NA MOTI – BEST BHAJAN LYRICS
સાચા સાગરનાં મોતી – કબીર સાહેબનું ભજન
રચનાઃ શ્રી કબીર સાહેબ
જોતા રે જોતા રે અમને જડીયા,
સાચા સાગરનાં મોતી….ટેક..
લીલા લીલા મોતીડાં રે,
સંતો ભાઇ પીળા પીળા મોતી,
ગગન મંડળમાં હીરલા રે ….સાચા સાગરનાં મોતી …જોતા રે…
જીણા જીણા મોતીડાં રે,
સંતો ભાઇ નેણલે પરોવ્યાં,
તખત ત્રીવેણીના તીરમાં….સાચા સાગરનાં મોતી ….જોતા રે….
ઇ રે મોતીડા રે,
સંતો ભાઇ કોઇ લાવે ગોતી,
એને કહીએ હરીના દાસ…સાચા સાગરના મોતી…જોતા રે…
કહત કબીરા રે,
સંતો ભાઇ સુનો મેરે સાધુ,
ઇ રે મોતીડા હવે લેજો ગોતી …..સાચા સાગરનાં મોતી….જોતા રે…