LAXMAN GHADIK TO UBHA – SANTVANI LYRICS
લખમણ ઘડીક તો ઉભા રયો-ગુજરાતી ભજન
રચનાઃ કવિશ્રી દાદ બાપુ
લખમણ ઘડીક તો ઉભા રયો મારા વીર,
ઘોડલાની વાઘુ જાલો રે,
કરવી મારે રાઘવ દિલડાની વાત,
થોભાવો રથડો ઠાલો રે….ટેક
એ…જી.. લખમણ દુનિયાએ દીધેલા અમને દુઃખ,
વનમાં દાડા વિતાવ્યાં રે,
માંડ માંડ જોયા અયોધ્યાનાં મુખ,
પાછા વિખુટા પડ્યા રે……લખમણ ઘડીક તો…
એ…જી….મારા રખોપા કરશે રામ,
રામના તે કોણ કરશે રે,
એવા સીતા વિનાના દિનને રાત,
વિંજણા કોણ વિંજશે રે …… લખમણ ઘડીક તો…
એ…જી લખમણ ઘાયલ રે રૂદિયાનો મારો રામ,
રામની તે હારે તમે રેજો રે,
મારા વિયોગી દલડા કેરી વાત,
તમે રામને નવ કેજો રે……લખમણ ઘડીક તો….
એ…જી લખમણ ભવો ભવનાં મારા ભરથાર,
રામૈયા જાણીને રેશું રે,
દાદલ દલડાંમાં વાગે ઘણનાં ઘાવ,
એને ફુલડાં જાણી સહેશું રે….લખમણ ઘડીક તો…